கருத்தடை செய்ய புரோஜெஸ்ட்டிரோன் தடுப்பூசி; இலங்கையில் நாய்களின் உயிருக்கு கடுமையான அச்சுறுத்தல் SamugamMedia நாய் கருத்தடை அறுவை சிகிச்சைக்காக சில கால்நடை மருத்துவர்களால் புரோஜெஸ்ட்டிரோன் தடுப்பூசியை பயன்படுத்துவதால் பெண் நாய்களின் உயிருக்கு கடுமையான அச்சுறுத்தல் இருப்பதாக விலங்குகளின் மனிதநேய மேலாண்மைக்கான கால்நடை மருத்துவர்கள் சங்கத்தின் ஆலோசகரான வைத்தியர் சமித் நாணயக்கார தெரிவித்துள்ளனர்.நாய்களின் இரசாயன கருத்தடைக்கு பயன்படுத்தப்படும் மருந்துகளை ஒருபோதும் பயன்படுத்தக்கூடாது என தான் நம்புவதாக அவர் தெரிவித்தார்.இலங்கையில் வீதிகளில் திரியும் நாய்கள் ஒன்றும் புதிதல்ல, ரேபிஸ் பரவுவதைத் தடுக்க தெருநாய்களின் எண்ணிக்கை கட்டுப்படுத்தப்பட்டுள்ளது.பெண் நாய்களுக்கு ப்ரோஜெஸ்ட்டிரோன் தடுப்பூசி போடப்பட்ட பின்னர், அவை பல சிக்கல்களை எதிர்கொள்கின்றன. நாயின் கருப்பை அழுகத் தொடங்குகிறது, மேலும் விலங்கு மெதுவாக இறக்கக்கூடும் என்றார்.அமெரிக்கா மற்றும் பிற நாடுகளில் கூட, புரோஜெஸ்ட்டிரோன் தடுப்பூசி மனித உடலுக்கு நிறையபிரச்சினைகளை ஏற்படுத்துகிறது என்பதை நிரூபிக்க போதுமான ஆராய்ச்சி உள்ளது. அமெரிக்காவில், புரோஜெஸ்ட்டிரோன் தடுப்பூசி அதன் பக்கவிளைவுகளால் தடைசெய்யப்பட்டுள்ளது என்றும் அவர் குறிப்பிட்டார்.95 சதவீத கால்நடை மருத்துவர்கள் இந்த புரோஜெஸ்ட்டிரோன் தடுப்பூசியை கருத்தடைகளுக்கு பயன்படுத்துவதற்கு எதிராக உள்ளனர்.மேலும் தெருநாய்களின் எண்ணிக்கையைக் கட்டுப்படுத்த அறுவை சிகிச்சை மூலம் கருத்தடை செய்வதைத் தொடர பரிந்துரைக்கிறோம்,” என்றும் அவர் குறிப்பிட்டார்.கால்நடை மருத்துவர்கள் அல்லாதவர்களில் பெரும்பாலானோர் நாய்களுக்கு எளிதாக கருத்தடை செய்ய இந்த தடுப்பூசியை பயன்படுத்தியதாக தெரிவிக்கப்பட்டது. கர்ப்பிணி பெண் நாய்க்கு தடுப்பூசி போட்டால், கருவில் இருக்கும் குட்டிகள் இறந்துவிடும், எனவும் அவர் மேலும் தெரிவித்துள்ளார்.