இரண்டு சாதனங்களில் ஒரே வாட்ஸ்அப் கணக்கு: வந்தாச்சு புது அப்டேட் இரண்டு சாதனங்களில் வாட்ஸ்அப் பயன்படுத்தும் அம்சம் சோதனையில் இருப்பதாக தகவல் வெளியாகியுள்ளது.   யூசர்களின் கோரிக்கையின் அடிப்படையில் வாட்ஸ்அப் நிறுவனம் புதிய அம்சங்களை அன்றாடம் முயற்சி செய்து வருகிறது. இப்போது, இன்னொரு அம்சமும் வாட்ஸ்அப்பில் சேர்க்கப்பட உள்ளது. அதன் சோதனை நடந்து வருகிறது. இந்த புதிய அம்சம் பயனர்கள் தங்கள் கணக்குகளை Android டேப்லெட்கள் போன்ற இரண்டாம் நிலை சாதனங்களுடன் இணைக்க அனுமதிக்கும். தற்போது இந்த அம்சம் WhatsApp பீட்டா சோதனையாளர்களுக்கு மட்டுமே கிடைக்கிறது.வாட்ஸ் அப் அப்டேட்ஆண்ட்ராய்டு ஆணையத்தின் தகவலின்படி, புதிய அம்சம் பயனர்கள் தங்கள் வாட்ஸ்அப் கணக்கை ஸ்மார்ட்போனிலிருந்து ஆண்ட்ராய்டு டேப்லெட் செயலியுடன் இணைக்க அனுமதிக்கும். எளிமையாகச் சொன்னால், இரண்டாம் நிலை ஆண்ட்ராய்டு சாதனத்தில் தனி வாட்ஸ்அப் கணக்கு தேவைப்படாது. பயனர்கள் தங்கள் டேப்லெட்டில் வாட்ஸ்அப்பைப் புதுப்பித்தவுடன், அவர்களின் ஃபோன் பயன்பாட்டிலிருந்து டேப்லெட் பயன்பாட்டில் உள்ள QR குறியீட்டை ஸ்கேன் செய்யும்படி கேட்கப்படுவார்கள்.விரைவில் புதிய அம்சம்இணைக்கும் செயல்முறை முடிந்ததும், டேப்லெட் பயன்பாட்டில் உள்ள பயனர்களுக்கு வாட்ஸ்அப் சாட்டிங்கை மாற்றும். பின்னர் நீங்கள் அங்கிருந்து சாட்டிங் செய்யலாம் என தகவலில் கூறப்பட்டுள்ளது. இன்னும் சில வாரங்களில்  இந்த அம்சம் அனைத்து பயனர்களுக்கும் கிடைக்கும் என்றும் கூறப்படுகிறது. மேலும், நினைவூட்டல்களும் வாட்ஸ்அப்பில் வர இருக்கின்றன. வாட்ஸ்அப்பில், பயனர்கள் தங்கள் செய்ய வேண்டிய பட்டியல்களை நிர்வகிக்க குறிப்புகள், நினைவூட்டல்கள், ஷாப்பிங் பட்டியல்கள் ஏற்படுத்தி அனுப்பிக் கொள்ளலாம்.