பொலிஸ் அதிகாரிகள் 11 பேர் உடன் அமுலுக்கு வரும் வகையில் இடமாற்றம் மூன்று உதவிப் பொலிஸ் அத்தியட்சகர்கள் உட்பட 11 பொலிஸ் அதிகாரிகள் உடனடியாக அமுலுக்கு வரும் வகையில் இடமாற்றம் செய்யப்பட்டுள்ளனர்.பொது பாதுகாப்பு அமைச்சின் செயலாளரின் அனுமதியின் பிரகாரம் குறித்த அதிகாரிகள் இடமாற்றம் செய்யப்பட்டுள்ளதாக பொலிஸ் தலைமையகம் தெரிவித்துள்ளது.இதன்படி, உதவிப் பொலிஸ் அத்தியட்சகர் டபிள்யூ.டி.அனுரங்க கொழும்பு குற்றத்தடுப்புப் பிரிவில் இருந்து மலையகப் பிரிவுக்கு இடமாற்றம் செய்யப்பட்டுள்ளார். காலி பிரிவில் கடமையாற்றி வந்த உதவி பொலிஸ் அத்தியட்சகர் ஏ.எச்.பி.எம்.ஏ.டபிள்யூ.டி.பி.ஹபுகொட புத்தளம் பிரிவுக்கு இடமாற்றம் செய்யப்பட்டுள்ளார்.உதவி பொலிஸ் அத்தியட்சகர் டபிள்யூ.எல்.யு.சமரசிங்க, கல்கிசை பிரிவில் இருந்து கொழும்பு போக்குவரத்து பிரிவுக்கு இடமாற்றம் செய்யப்பட்டதாக பொலிஸ் தலைமையகம் தெரிவித்துள்ளது.பிரதான பொலிஸ் பரிசோதகர் பீ.என்.பி. மாகெதரகம காலி பிரிவில் இருந்து கேகாலை தலைமையக பொலிஸ் பரிசோதகராக இடமாற்றம் செய்யப்பட்டுள்ளார்.இது தவிர மேலும் 3 தலைமை காவல் ஆய்வாளர்கள் மற்றும் 3 காவல் ஆய்வாளர்கள் இடமாற்றம் செய்யப்பட்டுள்ளனர்.