இலங்கையில் வாகனங்களின் பயன்பாடு குறித்து புதிய முடிவு samugammedia இலங்கையில் பதிவு செய்யப்பட்ட வாகனங்களில் இருந்து கிட்டத்தட்ட இருபது இலட்சம் வாகனங்களை கறுப்புப் பட்டியலில் சேர்க்க மோட்டார் போக்குவரத்து திணைக்களம் தீர்மானித்துள்ளது.ஐந்து வருடங்களுக்கு மேலாக காணப்படாத அல்லது கண்டுபிடிக்க முடியாத வாகனங்கள் கறுப்புப் பட்டியலில் சேர்க்கப்பட்டு அது தொடர்பான பணிகள் முன்னெடுக்கப்பட்டு வருவதாக மோட்டார் போக்குவரத்து ஆணையாளர் நாயகம் நிஷாந்த அனுருத்த வீரசிங்க வார இறுதியில் அருணவிடம் தெரிவித்தார்.நாட்டில் பதிவு செய்யப்பட்ட அனைத்து வாகனங்களில், ஆண்டுக்கு 55 லட்சம் வாகனங்கள் மட்டுமே உரிமம் புதுப்பிக்கப்படுகின்றன. வாகன அனுமதிப்பத்திரங்களை வழங்குவதற்கு பெறப்பட வேண்டிய உமிழ்வு பரீட்சை சான்றிதழ்கள் கடந்த சில வருடங்களில் ஐம்பத்தைந்து இலட்சம் என்ற எண்ணிக்கையில் பதிவு செய்யப்பட்டுள்ளமை அவதானிக்கப்பட்டுள்ளது.இதனால், மாகாண சபைகளின் கீழ் உள்ள ஒன்பது மோட்டார் போக்குவரத்து திணைக்களங்களின் தரவுகளும் மோட்டார் போக்குவரத்து திணைக்களத்தின் பிரதான தரவு அமைப்பில் சேர்க்கப்பட உள்ளன.இந்த முறை ஏற்கனவே உருவாக்கப்பட்டுள்ளதாகவும், விரைவில் உத்தியோகபூர்வமாக அறிமுகப்படுத்தப்படும் எனவும் மோட்டார் போக்குவரத்து ஆணையாளர் நாயகம் தெரிவித்துள்ளார்.5 ஆண்டுகளுக்கு மேலாக எந்த தகவலும் இல்லாமல் உரிமம் புதுப்பிக்கப்படாத அனைத்து வாகனங்களும் கணினியில் இருந்து நீக்கப்பட்டு கருப்பு பட்டியலில் சேர்க்கப்படும் என்றும் அவர் குறிப்பிட்டார்.அவர்களின் பதிவுச் சான்றிதழ்கள் கடத்தப்படுவதைத் தடுப்பதே இந்த முடிவை எடுத்ததற்கு முக்கியக் காரணம் என்றும் அவர் கூறினார்.