அமெரிக்காவிலிருந்து ஒரு தொகை மருந்து நன்கொடை அமெரிக்காவின் ஹார்ட் டு ஹார்ட் அமைப்பு 6.9 மில்லியன் டொலர் (சுமார் 2.6 பில்லியன் இலங்கை ரூபா) பெறுமதியான மருந்துகள் மற்றும் புற்றுநோய்க்கான மருந்துகளை இலங்கைக்கு நன்கொடையாக வழங்கியுள்ளதாக அமெரிக்காவில் உள்ள இலங்கைத் தூதரகம் அறிவித்துள்ளது.அறிவிப்பின்படி, தேவையான அனைத்து அரசாங்க அனுமதிகளும் பெறப்பட்டுள்ளன, மேலும் இது ஹார்ட் டு ஹார்ட் அமைப்பால் வழங்கப்படும் நான்காவது தொகுதி அவசர மருத்துவ உதவியாகும்.இந்த மருந்துப் பொருட்கள் அடுத்த வார தொடக்கத்தில் விமானம் மூலம் கொழும்புக்கு விநியோகிக்கப்படும் என அந்த அறிவிப்பில் குறிப்பிடப்பட்டுள்ளது.