இரு பேருந்துகளுக்கு இடையில் சிக்கி நொருங்கிய ஓட்டோ; பலத்த காயங்களுடன் தப்பிய நபர்கள் - பதறவைக்கும் காணொளி இரண்டு பேருந்துகளுக்கு இடையில் முச்சக்கரவண்டி ஒன்று சிக்கி நொருங்கிய  காணொளி  ஒன்று வெளிவந்து பதறவைத்துள்ளது. இந்த விபத்து கர்நாடகாவின் சித்ரதுர்காவில் பகுதியில் இடம்பெற்றுள்ளது. குறித்த பகுதி வீதியில் பயணிகளை ஏற்றிச் சென்ற முச்சக்கரவண்டி ஒன்றை, பின்னால் வந்த அரச பேருந்து மோதியது. பேருந்து மோதியதில் கட்டுப்பாட்டை இழந்த முச்சக்கரவண்டி  முன்னால் சென்ற மற்றொரு பேருந்துடன் மோதியது. பின்னால் வந்த பேருந்தின் சாரதி பிரேக்கை அழுத்த நினைத்த வேளையில் ஏற்கனவே இரண்டு பேருந்துகளுக்கும் இடையில் முச்சக்கரவண்டி சிக்கி நொருங்கியிருந்தது. இருப்பினும்  முச்சக்கரவண்டியில் பயணித்த சாரதி மற்றும்  பயணிகளும் அதிர்ஸ்டவசமாக உயிர்தப்பினர். எனினும் அவர்கள் பலத்த காயங்களுடன் மீட்கப்பட்டு மருத்துவமனையில் சிகிச்சை பெற்று வருகின்றனர்.விபத்தையடுத்து  சம்பவ இடத்திற்கு விரைந்த பொலிஸார்  இரண்டு பேருந்துகளையும் பறிமுதல் செய்தனர். அத்துடன் விபத்து தொடர்பான மேலதிக விசாரணைகளையும் பொலிஸார் முன்னெடுத்து வருகின்றனர். பேருந்துகளுக்கிடையில் முச்சக்கரவண்டி சிக்கி நொருங்கும் காணொளி அருகிலிருந்த சிசிரிவியில் பதிவாகி வெளிவந்து அனைவரையும் பதறவைத்துள்ளது.