தொடரும் இழப்புக்கள். பிரபல நடிகர் திடீர் உயிரிழப்பு. சோகத்தில் மூழ்கிய ரசிகர்கள்.samugammedia மூத்த நடிகர் கைலாஸ் நாத் நேற்றையதினம் உயிரிழந்துள்ளதாக இந்திய செய்திகள் தெரிவிக்கின்றன.இது தொடர்பில் மேலும் தெரியவருவதாவது,சினிமாத் துறைக்கு இந்த ஆண்டு ஒரு கவலையான ஆண்டு என்றுதான் கூறவேண்டும். ஏனெனில் இந்த ஆண்டின் தொடக்கத்திலிருந்து திரையுலகினை சேர்ந்த பிரபல இயக்குநர்கள் நடிகர்களின் திடீர் இழப்புக்களே காரணமாக அமைக்கின்றது.இவ்வாறானதொரு நிலையில்,மூத்த நடிகர் கைலாஸ் நாத் நேற்றையதினம் உயிரிழந்துள்ளார்.1977-ஆம் ஆண்டு வெளியான 'சங்கம்' என்ற மலையாளத் திரைப்படத்தின் மூலமாக அறிமுகமானவர் மூத்த நடிகர் கைலாஸ் நாத். இதனைத் தொடர்ந்து 'சேதுராமய்யர் சிபிஐ, ஸ்வாந்தம் என்ன பாடம், இரட்டை மதுரம், ஸ்ரீ நாராயண குரு, மற்றும் ஷரவர்ஷம்' எனப் பல படங்களிலும் நடித்து ரசிகர்கள் மத்தியில் பிரபலமானார்.இவர் மொத்தம் 163 படங்களில் நடித்துள்ளார். அதில் 90 படங்கள் தமிழ் மொழியில் வெளியானமை குறிப்பிடத்தக்கது. வெள்ளித்திரையில் கலக்கி வந்த இவர் 1990 ஆம் ஆண்டில் சின்னத்திரையில் நுழைந்து 'மின்னுகெட்டு, என்டே மானசபுத்ரி, பிரணயம் மற்றும் மனசரியதே' உள்ளிட்ட சீரியல்களில் நடித்து அங்கும் பாராட்டைப் பெற்றார்.  இந்நிலையில் நடிகர் கைலாஸுக்கு ஆல்கஹால் அல்லாத கொழுப்பு கல்லீரல் நோய் இருப்பது கண்டறியப்பட்டு சிகிச்சை எடுத்து வந்த நிலையில் அவருக்கு கல்லீரல் மாற்று அறுவை சிகிச்சை செய்ய மருத்துவர்கள் கூறினார்கள். இதனையடுத்து கேரளாவின் கொச்சியில் உள்ள ஒரு தனியார் மருத்துவமனையில்  கல்லீரல் நோய்க்கு சிகிச்சைப் பெற்று வந்த அவர், சிகிச்சை பலனின்றி நேற்று உயிரிழந்தார். இவருக்குப் பலரும் தங்களது இரங்கலினைத் தெரிவித்து வருகின்றனர்.