கிறிஸ்மஸ் செய்தியில் மன்னர் சார்லஸ் தனது தாயாருக்கு அஞ்சலி இந்த ஆண்டு கிறிஸ்துமஸ் செய்தியை வழங்கிய பிரிட்டனின் மன்னர் மூன்றாம் சார்லஸ் தனது தாயார் இரண்டாம் எலிசபெத்தை நினைவுகூர்ந்தார்.ராணியின் மறைவுக்குப் பிறகு பட்டத்து இளவரசர் மூன்றாம் சார்லஸ் கிறிஸ்துமஸ் தின செய்தியை வெளியிடுவது இதுவே முதல் முறை.மூன்றாம் சார்லஸ், 74, விண்ட்சர் கோட்டையில் உள்ள செயின்ட் ஜார்ஜ் தேவாலயத்தில் இருந்து கிறிஸ்துமஸ் செய்தியை வழங்கினார். இது முன்பே பதிவு செய்யப்பட்டு, கிறிஸ்துமஸ் ஈவ் அன்று பக்கிங்ஹாம் அரண்மனை ஊடகங்களுக்கு வெளியிட்டது.இதற்கிடையில், வெஸ்ட்மின்ஸ்டர் அபேயில், ராணி இரண்டாம் எலிசபெத்தின் நினைவாக கிறிஸ்துமஸ் பாடல்களின் சிறப்பு நிகழ்ச்சி நடைபெற்றது.மூன்றாம் சார்லஸ் மன்னரின் மகன் இளவரசர் வில்லியம், வேல்ஸ் இளவரசி என்று அழைக்கப்படும் அவரது மனைவி கேட் மிடில்டன் மற்றும் அவர்களது குழந்தைகளும் கிறிஸ்துமஸ் பாடல்களைப் பாடியதாக பிரிட்டன் ஊடகங்கள் தெரிவித்துள்ளன.