வரவு செலவுத்திட்டம் தொடர்பில் நாமல் ராஜபக்சவின் தீர்மானம் - மஹிந்த ஆலோசனை samugammedia வரவு செலவுத்திட்டம் தொடர்பில் பாராளுமன்ற உறுப்பினர் நாமல் ராஜபக்சவின் தீர்மானம் குறித்து அவரது தந்தை ஆலோசனை வழங்கியுள்ளார்.முன்னாள் ஜனாதிபதி மகிந்த ராஜபக்ஷவை சந்தித்து இது குறித்து நாமல் கலந்துரையாடியுள்ளார்.மக்களுக்கு சலுகைகள் வழங்கினால் மட்டுமே வரவு செலவுத் திட்டத்திற்கு ஆதரவளிப்பதாக நாமல் தெரிவித்திருந்தார்.இந்நிலையில் அரசாங்கத்தில் பங்காளி கட்சியாக செயற்பட்டு வரும் நிலையில் அது குறித்து சிந்திக்க வேண்டும் என மஹிந்த ஆலோசனை வழங்கியுள்ளார்.“உறுப்பினராக இருந்து சுதந்திரமான முடிவுகளை எடுப்பது நல்லது. ஆனால் அதுகுறித்து தீவிரமாக ஆராய வேண்டும். இதைப் பற்றி எல்லோரிடமும் கேட்க வேண்டும். குறிப்பாக கட்சியின் சிரேஷ்ட உறுப்பினர்கள், முன்னாள் நிதியமைச்சர்களை சந்தித்து யோசனை ஒன்றை முன்வைக்க வேண்டும்” என மஹிந்த ஆலோசனை வழங்கியுள்ளார்.