கொழும்பு வைத்தியசாலையில் கதிரியக்க பரிசோதனைகள் பாதிப்பு. கொழும்பு தேசிய மருத்துவமனையின் அவசர சிகிச்சைப் பிரிவில் கதிரியக்க பரிசோதனைகள் முற்றிலுமாக பாதிக்கப்பட்டுள்ளன.குறித்த வைத்தியசாலையில் காணப்பட்ட ஒரே கதிரியக்க இயந்திரம் பழுதடைந்ததே இதற்குக் காரணம் என்று அரசு கதிரியக்க தொழில்நுட்ப வல்லுநர்கள் சங்கத்தின் தலைவர் சானக தர்மவிக்ரம தெரிவித்தார்.கொழும்பு தேசிய மருத்துவமனையின் அவசர சிகிச்சைப் பிரிவில் இதுபோன்ற இரண்டு இயந்திரங்கள் காணப்பட்டன.அவற்றில் ஒன்று சுமார் ஒரு வருடத்திற்கு முன்பு முற்றிலுமாக பழுதடைந்தது.அதைத் தொடர்ந்து, அருகிலுள்ள சிறப்பு நரம்பியல் பிரிவில் உள்ள கதிரியக்க இயந்திரங்களைப் பயன்படுத்தி அவசர நிலைகளில் சிக்கிய நோயாளிகளின் கதிரியக்க பரிசோதனைகள் முன்னெடுக்கப்பட்டன.இந்நிலையில் நேற்றையதினம் அந்த இயந்திரம் பழுதடைந்தது.அதேவேளை பழுதடைந்த இரண்டு இயந்திரங்களும் 20 ஆண்டுகளுக்கும் மேலானவை என்று அரசு கதிரியக்க தொழில்நுட்ப வல்லுநர்கள் சங்கம் தெரிவித்துள்ளது.