இலங்கைக்குள் போதைப்பொருள் நுழைவதை தடுக்க விசேட அதிரடிப்படையினர் களமிறக்கம் பாதுகாப்பு அமைச்சு  வான் மற்றும் கடல் வழியாக நாட்டிற்குள் போதைப்பொருள் வருவதைத் தடுக்க திட்டங்கள் வகுக்கப்பட்டுள்ளதாக பொது பாதுகாப்பு மற்றும் நாடாளுமன்ற விவகார அமைச்சர் ஆனந்த விஜேபால தெரிவித்துள்ளார்.நாட்டிற்குள் போதைப்பொருள் நுழைவதை உடனடியாகத் தடுப்பது கடினம் என்றும் அவர் தெரிவித்துள்ளார். தேசிய செய்தித்தாளுடனான கலந்துரையாடலில் அவர் இந்தக் கருத்துக்களை வெளிப்படுத்தினார்.இது தொடர்பில் கருத்து தெரிவித்த அவர், போதைப்பொருள் நுழைவதை தடுக்க நாங்கள் திட்டங்களை வகுத்துள்ளோம். விசேட அதிரடிப்படையினர் இதற்காகப் பயன்படுத்தப்படுகின்றனர். இப்போதும் கூட கோடிக்கணக்கான மதிப்புள்ள போதைப்பொருட்கள் பறிமுதல் செய்யப்படுகின்றன.கடந்த சில மாதங்களில் ஏராளமான சட்டவிரோத போதைப்பொருட்கள் பறிமுதல் செய்யப்பட்டுள்ளன.இலங்கைக்குள் போதைப்பொருள் வருவதை உடனடியாக நிறுத்துவது கடினம். தற்போது  போதைப்பொருள் கடத்தல் சமீபத்தில் நாட்டில் மிகவும் வலுவாக பரவியுள்ளது.இது தொடர்பாக நாங்கள் எங்கள் கொள்கைகளை செயல்படுத்துகிறோம்என்றார்.