தாய்லாந்தின் புதிய பிரதமராக இளம் பெண் தெரிவு தாய்லாந்தின் புதிய பிரதமராக பேடோங்டார்ன் ஷினவாத்தை அந்நாட்டு நாடாளுமன்ற உறுப்பினர்கள் தேர்ந்தெடுத்துள்ளனர்.37 வயதானபேடோங்டார்ன், பியூ தாய் கட்சியின் தலைவர். இவர் முன்னாள் தாய்லாந்துப் பிரதமர் தக்சின் ஷினவாத்தின் மகள் என்பது குறிப்பிடத்தக்கது.இதற்கு முன்பு அக்கட்சியைச் சேர்ந்த ஸ்ரெத்தா தவிசின் தாய்லாந்தின் பிரதமராகப் பதவி வகித்தார்.சிறைக்கு அனுப்பப்பட்ட முன்னாள் வழக்கறிஞர் ஒருவருக்கு அமைச்சர் பதவியை வழங்கியதன் காரணமாக அவர் பிரதமர் பதவியிலிருந்து நீக்கப்பட்டார்.பிரதமர் பதவி ஏற்று ஓராண்டுகூட ஆகாத நிலையில் ஸ்‌ரெத்தா தமது பதவியை இழந்தார்.பேடோங்டார்ன் ஷினவாத் தாய்லாந்தின் அடுத்த பிரதமராகப் பதவி ஏற்க இருக்கிறார்.அவர் புதிய அமைச்சர்களைத் தேர்ந்தெடுப்பார் என்றும் அதனைத் தொடர்ந்து, தற்போதைய அமைச்சர்கள் பதவி விலகுவர் என்றும் தெரிவிக்கப்பட்டுள்ளது.