INS கப்ரா கப்பல் கொழும்பு வந்தடைந்தது - கப்பலை வரவேற்ற கடற்படையினர்.samugammedia இந்திய கடற்படைக் கப்பல் (INS) கப்ரா இன்று (08) முதன்முறை  விஜயமாக கொழும்பு துறைமுகத்தை வந்தடைந்தது. வருகை தந்த கப்பலை இலங்கை கடற்படையினர் கடற்படை மரபுகளுக்கு அமைவாக வரவேற்றனர். INS கப்ரா என்பது 50 மீட்டர் நீளமுள்ள வாட்டர் ஜெட் ஃபாஸ்ட் அட்டாக் கிராஃப்ட் (WJFAC) ஆகும், இது 55 பேர் கொண்ட பணியாளர்களைக் கொண்டுள்ளது. இந்த கப்பலுக்கு லெப்டினன்ட் கமாண்டர் அஜித் மோகன் தலைமை தாங்குகிறார். அவர் மேற்கு கடற்படை கட்டளைத் தலைமையகத்தில் மேற்கு கடற்படைத் தளபதி மற்றும்  தன்னார்வ கடற்படைத் தளபதி ரியர் அட்மிரல் சமன் பெரேராவை சந்திப்பார் என்று எதிர்பார்க்கப்படுகிறது.கப்பல் கொழும்பில் தங்கியிருக்கும் போது, அதன் பணியாளர்கள் நாட்டின் சில சுற்றுலாத் தலங்களுக்குச் செல்வார்கள். பயணத்தை முடித்துக்கொண்டு INS கப்ரா ஜனவரி 10ம் திகதி தீவை விட்டு புறப்படும் என தெரிவிக்கப்பட்டுள்ளது.