அதிவேக பாதைகளில் கட்டணங்களை வசூலிக்கும் உத்தியோகத்தர்கள் வேலைநிறுத்தம். களத்தில் இறங்கிய அமைச்சர் பந்துல. samugammedia அதிவேக பாதைகளில் கட்டணங்களை வசூலிக்கும் உத்தியோகத்தர்கள் இன்று அடையாள வேலை நிறுத்தத்தை முன்னெடுத்து வரும் நிலையில் இன்றையதினம் பொலிஸாரும் இராணுவத்தினரும் கடமையில் ஈடுபடுத்தப்பட்டுள்ளனர்.இந்நிலையில், அதிவேக நெடுஞ்சாலைகளின் போக்குவரத்தின் தற்போதைய நிலைமையை ஆராய்வதற்காக போக்குவரத்து, நெடுஞ்சாலைகள் மற்றும் வெகுஜன ஊடக அமைச்சர் பந்துல குணவர்தன, கொட்டாவ மற்றும் அதுருகிரிய அதிவேக நெடுஞ்சாலைகளில் கட்டணங்களை வசூலிக்கும் பகுதிக்கு கண்காணிப்பு விஜயமொன்றை மேற்கொண்டார்.அதேவேளை அங்கு ஊடகங்களிடம் கருத்து தெரிவித்த போக்குவரத்து நெடுஞ்சாலைகள் மற்றும் வெகுஜன ஊடக அமைச்சர் பந்துல குணவர்தனகடந்த வாரம் அதிகாரிகளுக்கும் தொழிற்சங்கங்களுக்கும் இடையில் இடம்பெற்ற கலந்துரையாடலில், இந்தப் பணிப்புறக்கணிப்பு நடவடிக்கையை மேற்கொள்ள வேண்டாம் எனத் தெளிவாக அறிவுறுத்தப்பட்டது. இந்த நேரத்தில், பட்ஜெட் நிறைவேற்றப்பட்டுள்ளது, சர்வதேச நாணய நிதியம் இரண்டாவது தவணையைப் பெற்று, அதன் கடனை மறுசீரமைக்க முயற்சிக்கும் நாடு என்ற வகையில், குறுகிய அரசியல் மற்றும் தனிப்பட்ட நோக்கங்களுக்காக பொது சொத்துக்களை பயன்படுத்த அனுமதிக்க முடியாது. இதன் மூலம் அரசு வருவாய் வசூல் திட்டமிட்டு திட்டமிட்டு நிறுத்தப்பட்டுள்ளது. இந்நிலையில் இது தொடர்பில் நாங்கள் அதை ஆராய்ந்து வருகிறோம் எனவும் தெரிவித்தார்.