நாட்டிலுள்ள ஏழைக் குழந்தைகளுக்காக ரஞ்சன் செய்த மனிதாபிமான செயல் முன்னாள் நாடாளுமன்ற உறுப்பினர் ரஞ்சன் ராமநாயக்க அமெரிக்க பயணத்தை முடித்துக் கொண்டு இன்று அதிகாலை கட்டுநாயக்க விமான நிலையத்தை வந்தடைந்தார்.ஊடகங்களுக்கு கருத்து தெரிவித்த ரஞ்சன் ராமநாயக்க;“அமெரிக்காவுக்குச் சுற்றுப்பயணம் செய்து பல கச்சேரிகள் நடத்தி அதில் சம்பாதித்த பணத்தில், நம் நாட்டின் ஏழைக் குழந்தைகளுக்கு விநியோகிக்க லேப்டாப்களை வாங்கினேன்.கூடுதலாக, நாட்டில் உள்ள கோடீஸ்வரர்கள் குழுவும் எனக்கு மற்றொரு தொகுதி மடிக்கணினிகளை வழங்க ஒப்புக்கொண்டது. மேலும், அவர்கள் இந்நாட்டின் ஏழைக் குழந்தைகளுக்கு ஏராளமான ஆடைகளையும் வழங்கினர். அவைகள் அனைத்தும் பல கொள்கலன்களில் இலங்கைக்கு வந்து கொண்டிருக்கின்றது.நான் இப்போது பந்தங்கள் இல்லாத சுதந்திர மனிதனாக இருக்கிறேன். இந்த நன்கொடைகளை வறிய சிறுவர்களுக்கு பகிர்ந்தளித்து எதிர்காலத்தில் சமூக சேவை நடவடிக்கைகளில் ஈடுபடுவோம் என நம்புகிறோம்” என ரஞ்சன் ராமநாயக்க தெரிவித்தார்.அமெரிக்காவில் இருந்து ஓமான் சென்றிருந்த ரஞ்சன் ராமநாயக்க இன்று அதிகாலை 04.50 மணியளவில் ஓமானின் மஸ்கட்டில் இருந்து ஸ்ரீலங்கன் எயார்லைன்ஸ் விமானமான UL-206 மூலம் கட்டுநாயக்க விமான நிலையத்தை வந்தடைந்தார்.