புதிய பேருந்து கட்டணங்கள் தொடர்பில் விசேட அறிவிப்பு அதிவேக நெடுஞ்சாலைகளில் பயணிகளிடம் அறவிடப்படும் பேருந்து கட்டணத்தை நேற்று (04) நள்ளிரவு முதல் 10 வீதத்தால் குறைக்க நடவடிக்கை எடுத்துள்ளதாக தேசிய போக்குவரத்து ஆணைக்குழு அறிவித்துள்ளது.இதன்படி, மாகும்புர - காலி இடையிலான புதிய பேருந்து கட்டணம் 930 ரூபாவாகவும், மாகும்புர - மாத்தறைக்கு இடையிலான புதிய பேருந்து கட்டணம் 1170 ரூபாவாகவும் நிர்ணயிக்கப்பட்டுள்ளது.கடுவலை - மாத்தறைக்கு இடையிலான புதிய சொகுசு பேருந்து கட்டணம் 1260 ரூபாவாக குறைக்கப்பட்டுள்ளது.அதிவேக நெடுஞ்சாலையில் கொழும்பு - கதிர்காமம் இடையிலான புதிய பேருந்து கட்டணம் 2270 ரூபா என தேசிய போக்குவரத்து ஆணைக்குழு அறிவித்துள்ளது.இதேவேளை, கொழும்பு - மாத்தறை அதிவேக நெடுஞ்சாலையில் புதிய பேருநது கட்டணம் 1300 ரூபாவாகும்.அதுமாத்திரமன்றி கொழும்பு - கதிர்காமம் காலி வீதியில் சேவையாற்றும் அரை சொகுசு பேருந்து சேவை நேற்று நள்ளிரவு முதல் நீக்கப்பட்டு, சாதாரண பேருந்து சேவையாக மாற்றப்பட்டது.அதன்படி, அந்த வழித்தடத்தில் செல்லும் அரை சொகுசு பேருந்துகளில் வசூலிக்கப்படும் கட்டணம் குறைக்கப்பட்டுள்ளது.