ஆராய்ச்சி மற்றும் மேம்பாட்டு தேவைகளை அறிய தேசிய குழு நியமனம் நாட்டின் வளர்ச்சி இலக்குகளின் அடிப்படையில் ஆராய்ச்சி மற்றும் மேம்பாட்டு (ஆர்&டி) தேவைகளை அடையாளம் கண்டு முன்னுரிமை அளிப்பதற்காக இலங்கை முதன்முறையாக ஒரு தேசிய தற்காலிகக் குழுவை நிறுவியுள்ளது. நாடு முழுவதும் நடைபெற்று வரும் ஆராய்ச்சி முயற்சிகளை முன்னுரிமையின்படி வகைப்படுத்தி, அவற்றை தேசியத் தேவைகளுடன் இணைப்பதை நோக்கமாகக் கொண்டு ஜூலை (7) என்று ஜனாதிபதியின் ஊடகப் பிரிவு தெரிவித்துள்ளது. மூலோபாய தேசிய முன்னுரிமைகளின் அடிப்படையில் நாடு முழுவதும் நடைபெற்று வரும் ஆராய்ச்சி முயற்சிகளை ஒருங்கிணைத்து வகைப்படுத்த இதுபோன்ற ஒரு அமைப்பு உருவாக்கப்படுவது இதுவே முதல் முறையாகும். இந்தக் குழுவிற்கு அறிவியல் மற்றும் தொழில்நுட்பம் தொடர்பான ஜனாதிபதியின் மூத்த ஆலோசகர் பேராசிரியர் கோமிகா உடுகமசூரியா மற்றும் அறிவியல் மற்றும் தொழில்நுட்ப அமைச்சகத்தின் கீழ் உள்ள தேசிய அறிவியல் மற்றும் தொழில்நுட்ப ஆணையத்தின் (NASTEC) தலைவர் பேராசிரியர் ரோஹன் பெர்னாண்டோ ஆகியோர் இணைத் தலைமை தாங்குகின்றனர். இதில் பல்வேறு துறைகளைச் சேர்ந்த 20 நிபுணர்களும் உள்ளமை குறிப்பிடத்தக்கது.