கால்சியம் சத்து குறைபாட்டால் ஏற்படும் பிரச்சனைகள்!

தற்போதைய உலகில் பெரும்பாலான மனிதர்கள் ஏதோவொரு நோய்த் தொற்றினால் பாதிக்கப்பட்டு வருகின்றனர்.

நம் உடலில் கால்சியமானது பற்கள் மற்றும் எலும்புகள் போன்ற கடின திசுக்களின் வடிவத்தில் இருக்கும். நம் உடலில் உள்ள பற்கள் மட்டும் எலும்புகளில் பெரும்பாலும் 99 சதவீதம் கால்சியம் இருக்கின்றது.

இது ஹார்மோன்களின் சுரப்பு, ரத்தக்குழாய் சீரான செயல்பாடு, தசைகள் சுருங்கி விரிதல், இதயத்துடிப்பு போன்ற உடல் இயக்கங்களுக்கு தேவையான ஒரு ஊட்டச்சத்தாகும். மேலும் உடலின் கால்சியம் அளவு குறைய குறைய பற்கள் மற்றும் எலும்புகள் வலுவிழக்கும். மேலும் அவற்றின் சுற்றளவு குறைய துடைக்கும். இதற்கு பேர் எலும்பு தேய்மானம் என்பார்கள்.

குழப்பம், நினைவாற்றல் இழப்பு, தசைப்பிடிப்பு, கை, பாதம் மற்றும் முகத்தில் உணர்ச்சியில்லாது போவது, மன அழுத்தம், அடிக்கடி நகத்தில் பாதிப்பு ஏற்படுதல், பற்கூச்சம், எலும்புகளில் வலி மற்றும் எலும்பு தேய்மானம் போன்றவை ஏற்பட்டால் உங்களுக்கு கால்சியம் இருக்கின்றது என்று அர்த்தம். இது குறைபாட்டை வெளிப்படுத்தும் அறிகுறிகள் ஆகும். இதுபோல் நிகழ்ந்தால் மருத்துவரை சென்று பார்த்து தக்க சிகிச்சை பெற வேண்டும். 

கால்சியம் குறைபாடு ஏற்பட காரணங்கள்

நம் உடலில் தோல், நகம், வியர்வை மற்றும் சிறுநீர் வழியாக தினமும் கால்சியத்தை இழந்து கொண்டிருக்கிறோம். நாம் உட்கொள்ளும் கால்சியம் இதுபோன்று நம் உடலை விட்டு தினமும் வெளியேறி வருகிறது. 

முக்கியமாக சத்துள்ள சரிவிகித உணவு உண்ணாமை, செரிமானக்கோளாறுகளால் உணவில் உள்ள சத்துக்கள் உடலில் சேராமல் போவது, உயர் மற்றும் குறைந்த அளவு மெக்னீசியம் மற்றும் பாஸ்பேட் சத்து இருத்தல், சிறுநீரக செயலிழப்பு கணைய ஒவ்வாமை, வைட்டமின் டி அளவு குறைதல் மற்றும் சில வகை மருந்துகளால் ஏற்படும் பக்க விளைவு போன்ற காரணங்களால் உடலில் கால்சியம் குறைபாடு ஏற்படலாம்.

மெனோபாஸ் நிலையை அடைந்த பெண்களுக்கு உடலில் பல ஹோர்மோன் மாற்றங்கள் நிகழ்ப்பெரும் அதில் இதுவும் ஒன்று. மேலும்  வயது முதிர்ச்சி போன்ற பிற காரணங்களாலும் கால்சியம் குறைபாடு ஏற்படலாம்.

கால்சியம் சத்து நிறைந்த உணவுகள்:

கால்சியம் சத்து நிறைந்துள்ள உணவுகளை தினசரி சாப்பிடுவதில் மூலமாகவும் கால்சியம் சத்து குறைபாட்டை சரி செய்யலாம். இதன் மூலம் கைகால் வலி மற்றும் எலும்பு தேய்மானம் போன்ற பிரச்சனைகள் ஏற்படாமல் தடுக்கலாம். 

முதலாவதாக பால் மற்றும் பால் பொருட்களை உணவில் சேர்த்து கொள்ள வேண்டும். இதில் கால்சியம் அதிகம் உள்ளது.  இது உடலில் கால்சியம் சத்து அதிகரிப்பதுடன் உடல் வளர்ச்சிக்கும் உதவுகிறது.

தினசரி 5 பாதாம் பருப்பை சாப்பிடுவது நல்லது. இது உடலில் கால்சியம் சத்து அதிகரிக்கும். அத்துடன் பாதாமில் உள்ள பி2 வைட்டமின் மற்றும் இரும்புச்சத்து உறுதியான தசை வளர்ச்சிக்கு உதவும்.

கால்சியம், நார்ச்சத்து மற்றும் புரதச்சத்து நிறைந்த பீன்ஸ் மற்றும் பருப்பு வகைகளை உணவில் அடிக்கடி சேர்த்து கொள்ள வேண்டும். கால்சியம் சத்தை உடல் எளிதில் கிரகித்து கொள்ள இது வழிவகுக்கும்.

மீன், ஆட்டு எலும்பு மஜ்ஜைகள், நாட்டுகோழி போன்ற உணவுகளை வாரம்  ஒருமுறை சாப்பிடலாம். இவை கால்சியம் சத்து எளிதில் உடலில் சேரவும், எலும்புகளில் அடர்த்தியை அதிகரிக்கவும் உதவும்.

பொன்னாங்கண்ணி கீரை, வெந்தயக்கீரை, தண்டுக்கீரை மற்றும் மணத்தக்காளி கீரை போன்ற கீரை வகைகளையும் அத்தி, கொய்யா, ஆரஞ்சி, கிவி, பெர்ரி, அன்னாசி, லிச்சி, பப்பாளி, ஸ்ட்ராபெர்ரி, முந்திரி போன்ற பழவகைகளையும் அவ்வப்போது உணவில் சேர்த்துக் கொள்ள வேண்டும்.

RELATED ARTICLES

JOIN OUR GROUPS

Viber

அதிகம் படித்தவை