தனது 11 கணவர்களை விஷம் கொடுத்து கொன்ற ஈரானியப் பெண்; 22 ஆண்டுகளாக நடந்த கொடூரம் 22 ஆண்டுகளாக தனது 11 கணவர்களைக் கொன்ற ஈரானியப் பெண் அண்மையில்  கைது செய்யப்பட்டுள்ளது. இவ்வாறு கைது செய்யப்பட்ட 50 வயதுடைய கோல்சூம் அக்பரி, மீது 11 கொலை வழக்குகள் மற்றும் ஒரு கொலை முயற்சி வழக்கு சுமத்தப்பட்டுள்ளது.நீதிமன்ற ஆவணங்களின்படி, வாரிசுரிமை மற்றும் திருமண தீர்வுகளை கோருவதற்காக, 2001 ஆம் ஆண்டு தொடங்கி 22 ஆண்டுகளாக தனது கணவர்களுக்கு விஷம் கொடுத்ததாகக் கூறப்படுகிறது.2023 ஆம் ஆண்டில் அசிசோல்லா பாபேய் என்ற முதியவரின் சந்தேகத்திற்கிடமான மரணம், அவரது குடும்பத்தினரை விசாரணைக்கு அழுத்தம் கொடுத்தபோது இந்த வழக்கு வெளிச்சத்திற்கு வந்தது.பாபேய்யின்  மகன் ஹாஃப்ட்-இ சோப் என்பவர், அவரது திடீர் மரணத்தில் சந்தேகப்படுவதாகவும், பிரேத பரிசோதனையையும் கோரியுள்ளார் இருப்பினும் அந்த நேரத்தில் உறுதியான ஆதாரம் எதுவும் வெளிவரவில்லை.ஒரு குடும்ப நண்பர் கிட்டத்தட்ட ஒரே மாதிரியான கதையைப் பகிர்ந்து கொண்டபோது ஒரு திருப்புமுனை ஏற்பட்டது. அவரது   தந்தையும் கோல்சூம் அக்பரியை மணந்ததாகவும் அவருக்கும்  போதைப்பொருளில் விஷம் கொடுக்க முயன்றதாகக் கூறப்படுகிறது. அந்த நபர் பின்னர் உயிர் பிழைத்ததாகவும் பின்னர் அவரை விவாகரத்து செய்ததாகவும் தெரியவந்துள்ளது.  அக்பரி, நீரிழிவு மற்றும் பாலியல் செயல்திறன் மருந்துகளின் கலவையைப் பயன்படுத்திய கணவர்களை கொன்றதாக தெரியவந்துள்ளது. மற்றொரு வழக்கில், தற்காலிகமாக குணமடைந்த ஒரு கணவருக்கு அவர் தொடர்ந்து போதை மருந்து கொடுத்து, அது அவரது மரணத்திற்கு வழிவகுத்ததாகக் கூறப்படுகிறது.ஒவ்வொரு சந்தர்ப்பத்திலும், தனது கணவர்களின் மரணத்திற்குப் பிறகு அக்பரி, பரம்பரை அல்லது வரதட்சணை கொடுப்பனவுகளைக் கோரியதாகக் கூறப்படுகிறது. இந்நிலையில் கைது செய்யப்பட்ட குறித்த பெண் விசாரணையின் போது அவர்  கொலைகளை ஒப்புக்கொண்டார்.பெரும்பாலும் பாதிக்கப்பட்டவர்களின் குடும்ப உறுப்பினர்கள் மற்றும் வாரிசுகள் – வழக்குத் தொடுப்பதில் இணைந்திருப்பதால் இந்த வழக்கு மேலும் கவனத்தை ஈர்த்துள்ளது. நீதிமன்றத்தில், நான்கு பாதிக்கப்பட்டவர்களின் குடும்பங்கள் முறையாக மரண தண்டனையை கோரின, வழக்கறிஞர் ஒருவர் அவரது மன ஆரோக்கியத்தை மதிப்பீடு செய்ய வேண்டும் என்று வாதிட்டார்இ ஆனால் பாதிக்கப்பட்டவர்களின் உறவினர்களில் ஒருவர் இந்தக் கூற்றை நிராகரித்து, “எந்தவொரு பைத்தியக்காரனும் இவ்வளவு முறையான திட்டத்தைத் தீட்டி இவ்வளவு குடும்பங்களை கையாள முடியாது” என்று நீதிமன்றத்தில் கூறினார்.நீதிமன்றத்தில் தொடர்ந்தும் வழக்கு விசாரணை இடம்பெற்று வருகின்றது.