அவசர மருத்துவ சிகிச்சைக்காக வெளிநாடு பயணமான ஹரின். samugammedia சுற்றுலாத்துறை அமைச்சர் ஹரின் பெர்னாண்டோ, மருத்துவரின் ஆலோசனைக்கு அமைய அவசர மருத்துவ சிகிச்சைக்காக வெளிநாடு சென்றுள்ளார்.கடந்த சில நாட்களாக தனது முழங்காலில் இருந்த நிலை மோசமடைந்துள்ளதாகவும், வெளிநாடுகளில் சிகிச்சை பெற்றுக்கொள்ள தனது வைத்தியர்களை பார்த்ததாகவும் அமைச்சர் பெர்னாண்டோ தெரிவித்தார்.யாலவில் ஹில்டன் ஹோட்டல் திறப்பு விழாவில் பங்கேற்று, அதன்பின் ஒரு தொலைக்காட்சி உரையாடல் நிகழ்ச்சியில் கலந்து கொண்டேன். இந்த இரண்டு நிகழ்வுகளுக்குப் பிறகு எனக்கு ஏற்பட்ட முழங்கால் நோய் தீவிரமடைந்து மருத்துவரின் ஆலோசனையைப் பெற்றேன். அவர்கள் வெளிநாட்டில் சிகிச்சை பெறுமாறு கேட்டுக் கொண்டனர், நான் நாட்டை விட்டு வெளியேறினேன். என அவர் ஒரு அறிக்கையில் தெரிவித்துள்ளார்.ஈஸ்டர் ஞாயிறு குண்டுவெடிப்பு தொடர்பான விவாதத்தை தவிர்த்துவிட்டதாக சிலர் குற்றம் சாட்டுவதால் அறிக்கையை வெளியிட முடிவு செய்ததாகவும் அமைச்சர் குறிப்பிட்டுள்ளார்.“ஈஸ்டர் ஞாயிறு தாக்குதல்கள் குறித்த எனது நிலைப்பாடு மாறவில்லை, மாறப்போவதுமில்லை” என்றும் அவர் மேலும் குறிப்பிட்டுள்ளார்.