கனடா நாடாளுமன்ற வரலாற்றில் முதன்முறையாக கறுப்பினத்தவர் ஒருவர் சபாநாயகராக பதவியேற்றுள்ளதாக சர்வதேச செய்திகள் தெரிவிக்கின்றன.
கனடா நாடாளுமன்ற சபாநாயகர் பதவிக்கு கிரெக் புர்காஸ் உடன் 7 பேர் போட்டியிட்டிருந்தனர்.
இந்நிலையில் நாட்டின் புதிய சபாநாயகராக லிபரல் கட்சியின் கிரெக் புர்காஸ் நியமிக்கப்பட்டுள்ளார்.
சபாநாயகர் தேர்தலுக்குப் பின்னர் கனடா பிரதமர் ஜஸ்டின் ட்ரூடோ தனது வாழ்த்துச் செய்தியில்,
'இந்த சபையின் சபாநாயகரான முதல் கறுப்பின கனேடியன் நீங்கள் தான்' . 'இது அனைத்து கனடியர்களுக்கும், குறிப்பாக அரசியலில் ஈடுபட விரும்பும் இளைய தலைமுறையினருக்கும் உத்வேகமாக இருக்க வேண்டும்.'எனவும் தெரிவித்தார்.