IMFஇன் கடன் தொகையால் நாட்டிலுள்ள அனைத்துப் பிரச்சினைகளும் ஒரே இரவில் தீர்க்கப்படாது- ரவி கருணாநாயக்க கருத்துSamugamMedia சர்வதேச நாணய நிதியத்தின் கடன் தொகை மற்றும் ஆதரவைப் பெற்றுக்கொண்டு நாட்டில் உள்ள அனைத்துப் பிரச்சினைகளும் ஒரே இரவில் தீர்க்கப்படாது என முன்னாள் நிதியமைச்சர் ரவி கருணாநாயக்க தெரிவித்தார். ஒரு நாட்டைக் கட்டியெழுப்ப பல வருடங்கள் ஆகும், ஆனால் ஒரு நாட்டை அழிக்க ஒரு மணித்தியாலம் கூட தேவைப்படாது, ஜனாதிபதி தலைமையிலான அரசாங்கம் வெற்றிகரமான பயணத்தை ஆரம்பித்துள்ளது.அரசியல் கட்சிகள், நிறங்கள், இனங்கள், மதங்கள் அனைத்தையும் புறந்தள்ளி அனைவரும் செயற்பட வேண்டும். நாட்டின் நலனுக்காக ஒன்றுபடுங்கள். சந்தர்ப்பவாத, குறுகிய, தேசவிரோத எதிர்க்கட்சிகள் தினமும் நெடுஞ்சாலைக்கு வந்து போராட்டம் நடத்தி நாட்டை மேலும் அராஜகமாக்குவதாக முன்னாள் நிதியமைச்சர் தெரிவித்தார்.