எரிபொருட்களின் விலையில் மீண்டும் மாற்றம். இன்று நள்ளிரவு முதல் அமுலுக்கு.samugammedia இலங்கை பெற்றோலியக் கூட்டுத்தாபனம் இன்று (31) நள்ளிரவு முதல் அமுலுக்கு வரும் வகையில் எரிபொருள் விலையில் திருத்தம் செய்துள்ளது.அதன்படி, ஒக்டேன் 92 ரக பெற்றோல் 9 ரூபாவால் குறைக்கப்பட்டுள்ளதுடன், அதன் புதிய விலை  356 ரூபாவாக குறைந்துள்ளது.ஒக்டேன் 95 ரக பெற்றோல்3  ரூபாவால் அதிகரிக்கப்பட்டுள்ளதுடன், அதன் புதிய விலை  423 ரூபாவாக அதிகரித்துள்ளது.ஒடோ டீசல் 5 ரூபாவால் அதிகரிக்கப்பட்டுள்ளதுடன் அதன் புதிய விலை  356 ரூபாவாக அதிகரித்துள்ளது.சுப்பர் டீசல் 10  ரூபாவால் அதிகரிக்கப்பட்டுள்ளதுடன், அதன் புதிய விலை  431 ரூபாவாக அதிகரித்துள்ளது.மண்ணெண்ணெய் 07  ரூபாவால் அதிகரிக்கப்பட்டுள்ளதுடன், அதன் புதிய விலை  249 ரூபாவாக அதிகரித்துள்ளது.