இலங்கைக்கு வருகை தரும் மாலைதீவு மக்களுக்கு விடுக்கப்பட்ட அறிவிப்பு. இலங்கைக்கு வருகை அல்லது சுற்றுலா நோக்கங்களுக்காக பயணிக்கும் மாலத்தீவு நாட்டினர் 90 நாள் வருகை விசாவிற்கு தகுதியுடையவர்கள் என மாலைதீவில் உள்ள இலங்கை உயர் ஸ்தானிகராலயம் அறிவித்துள்ளது.உயர் ஸ்தானிகராலயம் வெளியிட்ட அறிவிப்பின்படி,  மாலைதீவு குடிமக்கள் வருகைக்கு முன் மின்னணு பயண அங்கீகாரத்திற்கு விண்ணப்பிக்க வேண்டிய அவசியமில்லை.இந்த விசா விலக்கு, சுமூகமான பயணத்தை எளிதாக்கும் என்றும் இரு நாடுகளுக்கும் இடையிலான மக்களிடையேயான உறவுகளை வலுப்படுத்தும் என்றும் எதிர்பார்க்கப்படுகிறது