யாழ். கடற்பரப்பில் பல மில்லியன் ரூபா பெறுமதி வாய்ந்த கேரள கஞ்சா மீட்பு. samugammedia யாழ்ப்பாணம் வடமராட்சி வெற்றிலைக்கேணிப் பகுதியில் 42 மில்லியன் ரூபாய் மதிப்புள்ள கேரள கஞ்சாவை கடற்படையினர் கைப்பற்றினர்.கடற்படையினரால் நேற்று (08) மேற்கொள்ளப்பட்ட விசேட தேடுதல் நடவடிக்கையில் 128 கிலோவுக்கும் அதிகமான (ஈரமான எடை) கேரளா கஞ்சா கடலில் சிக்கியது.விசேட தேடுதல் நடவடிக்கையின் போது, சந்தேகத்திற்கிடமான 04 சாக்கு மூட்டைகளை மீட்டுள்ளதுடன் அதில் இருந்து 53 பார்சல்களில் அடைக்கப்பட்டிருந்த சுமார் 128 கிலோ 100 கிராம் கேரள கஞ்சா இருந்தது.தொடர்ச்சியான கடற்படை நடவடிக்கைகள் காரணமாக, கேரள கஞ்சாவை நாட்டிற்கு கொண்டு வர முடியாமல் கடத்தல்காரர்கள் கைவிட்டுச் சென்றிருக்கலாம் என சந்தேகிக்கப்படுகிறது.இதற்கிடையில், கைப்பற்றப்பட்ட கேரள கஞ்சாவின் மொத்த மதிப்பு 42 மில்லியன் ரூபாய் என கருதப்படுகிறது.கேரள கஞ்சாவை மேலதிக நடவடிக்கைக்காக அதிகாரிகளிடம் ஒப்படைக்கும் வரை கடற்படை காவலில் வைக்கப்பட்டுள்ளது.